Vinirdia Santu

Ti vinirdia Santu
la Madonna si mesi lu mantu
e n’acchiandu cu ci scia
sola sola si partia
acchiau San Pietru a 'nanti
- c’è hai Maria ca sempri chiangi?
- ju chiangu pi dulori,
ch’aggiu persu lu miu figliolo
- tu l’ha perzu e tu l’ha acchiatu,
van’a casa ti Pilatu.

Tuppi tuppi
- ci eti a st’ora?
- sò Maria la svinturata
- Mamma mia, no pozz’apriri,
li giudei m’hannu licatu
nà crona t’oru m’hannu livata,
na crona ti spina m’hannu mintuta,
vani a ddo lu mestru firraru
fatti fari ‘nu paru ti chioti
no gruessi e no suttili
pi trapassari la carni civili.

‘Na zzingra malitetta
nci li feci luenghi e spuntuti.
Lu Signori la maliticiu
e sempri sperta la feci sciri.